Nasjonalt mål om meir norske grønsaker, men då må forbrukarane styra unna billig import

90 prosent av matjorda i Rogaland er dekt av gras. Forskarar meiner mykje av denne jorda er godt eigna til grønsakproduksjon. Men då må forbrukarane visa vilje til å betala meir for å få norske varer.

I det opne, jærske landskapet kan ein sjå store jorde dekte av grønt gras som bølgar i vinden. Graset skal bli mat til dei mange husdyra som så gjer det om til menneskeføde.