Milliardær utan musklar

Når Statoil trekk seg ut av staten, så bør staten trekke seg ut av Statoil.

For Statoil er veksteventyret på norsk sokkel langt på veg over og aktiviteten på heimemarknaden har stagnert. Veksten skal no haldast oppe gjennom offensiv forretningsutvikling utanlands, og aukande investeringar (og etter kvart inntekter) i land med utbreidd fattigdom, korrupsjon, svake demokratiske institusjonar og ustabile politiske og økonomiske rammevilkår. I tillegg kjem usikkerheita knytt til geologi, teknologi og forretningsmodellar utanfor Noreg.