Slår alarm: – Næringa er i ein kritisk situasjon

Ein unntaksregel redda 2020 for Skavland gartneri. Regelen forsvinn i 2021, og gartnarparet er urolege for konsekvensane.

Sesongarbeidar frå tredjeland kan i utgangspunktet vera i Norge i seks månadar om gongen. I vår blei det innført eit unntak frå denne regelen, slik at desse arbeidarane kunne søka om å få fornya opphaldstillatinga medan dei framleis var i Norge.

Sjølv om pandemien ikkje er overstått, sluttar unntaksregelen å gjelda ved årsskiftet. Frå då av må sesongarbeidarane vera seks månadar utanfor Norge før dei kan koma tilbake for ein ny sesong.