Isaksen meiner at 700 Color Line-tilsette raskt vil få ny jobb

Onsdag endra Torbjørn Røe Isaksen NIS-reglane som kan kosta 700 norske sjøfolk jobben. I eit intervju med Klassekampen i dag seier statsråden at dei 700 nok vil få seg ny jobb, dersom dei vart arbeidslause.

Striden mellom regjeringa og sjømannsorganisasjonane handlar om reglane for å segla under NIS-flagg, eit av to norske flagg skip kan selga under. NIS betyr Norsk internasjonalt skipsregister, og stiller ikkje krav til norske lønns- og arbeidsvilkår i like stor grad som NOR-flagg (Norsk ordinært skipsregister) gjer. NOR-flagg krev norsk tariff, noko NIS-flagg ikkje gjer.