Slik bygde dei opp Bakkafrost

Administrerande direktør i Bakkafrost, Regin Jacobsen, har arbeidd sidan han var fem år gamal. No har han ansvaret for eit selskap som i 2017 omsatte for over ein halv milliard danske kroner.

– Det var eit lite familieselskap, og eg har gått nede på gulvet her sidan eg var fem år gamal. Den gangen var det veldig dårlege forhold samanlikna med i dag. Det var kaldt – og det var nesten like mykje vinter inne som ute. Det var ein oppstart, og det var mange periodar kor me ikkje hadde råvarer. I dag produserer me laks kvar einaste dag, seier Jacobsen til iLaks.