– Eg har tenkt på olja. Men alle gjer jo det

I åra framover ventar ein rekordmange prosjekt på norsk sokkel. Framtida kan sjå lys ut for ungdommane i industrihallen på Bryne.

Arbeidsmarknaden er for tida svært svolten på folk som har kunnskapen som desse elevane er i ferd med å læra seg.

– Det er veldig stor etterspørsel etter fagarbeidarar no, spesielt industrimekanikarar og CNC-operatørar, seier Gustav Svane, seniorrådgjevar i Nav Rogaland.