I framtida kan han få oppdrag på vindturbinar på størrelse med oljeplattformer

– Det er eit globalt industrikappløp, seier leiaren av nytt senter som vil bidra til å halda Noreg i tet innan havvind.

Dei to bergensarane Kim Andrè Bru og Christian Hermansen dinglar på utsida av eit 30 meter høgt tårn i Egersund. Bru er godt van med å jobba i høgda frå oppdrag offshore, medan Hermansen aldri før har hatt på seg klatresele. Målet deira er å skaffa seg sertifisering til å utføra oppdrag i vindkraftnæringa og slik bidra til at bedriftene deira blir med på ferda når fornybarnæringa får vind i segla.