IVAR fekk 50 millionar kroner i støtte. Slit med å oppfylla krava

Biogassanlegget skulle produsera 57 gigawattimar og bli drive med fornybar energi. Tre år etter opninga er IVAR langt unna måla.

I 2011 fekk IVAR IKS innvilga 50,8 millionar kroner i støtte av statlege Enova då dei skulle bygga biogassanlegg på Grødaland.

For at IVAR skulle få pengane, stilte Enova følgjande krav:

• Anlegget skulle gje 57,8 gigawattimar med fornybar energi innan 2022. No ligg produksjonen på 18–20 gigawattimar per år.
• Anlegget skulle bli drive med fornybar energi innan 2022. Ei løysing for dette er framleis ikkje valt.