Kontorbygget har plass til 250 tilsette og har tidlegare husa store oljeselskap. Eit tre år gammalt grønt selskap skal fylla tomrommet.

Norsk Hydro og Statoil har tidlegare hatt adresse her. No skal Easee, som har suksess med ladarar til elbilar, flytta inn i tre etasjar. På sikt er målet å fylla alle fem.

Det grøne teknologiselskapet treng dessutan meir produksjonskapasitet og ønsker å bygga fabrikk.

– Me vil gå i front og skapa nye, berekraftige arbeidsplassar i ein oljetung region, seier økonomisjef Maren Thu.