Klimakutt: Måler rap og fis frå sauane på Klostergarden

Korleis kan sauekjøt bli meir klimavenleg? Bøndene på Klostergarden sender 140 sauar inn i ein lastebil for å bidra til å finna svaret.

Jette Jakobsen, avlsforskar hos Norsk Sau og Geit, står med ei tikkande stoppeklokke i handa. Snart er det på tide å sjekka korleis det går med sauane som no er på plass inne i metanmålarane.

– Det kjem ut 90 prosent rap og ti prosent fis, seier ho med ein liten latter.